Bugun Ispaniya kubogi doirasida “Barselona” va “Valensiya” klublari o‘zaro to‘qnash kelishadi.

Bu jamoalar shu paytga qadar 175 marta to‘qnash kelishgan: 82 ta o‘yinda “Barselona” g‘alaba qozongan bo‘lsa, 48 ta to‘qnashuvda “Valensiya” zafar quchgan, 45 ta o‘yin durang bilan tugagan.

Joriy mavsumdagi mazkur jamoalarning birinchi to‘qnashuvi 1:1 hisobida yakunlangan.

“Barselona” 29 marta Ispaniya kubogini qo‘lga kiritgan va 11 marta kubok finalida yutqazgan. “Valensiya”hisobida esa 7 ta Ispaniya kubogi bor, bu klub 9 marta finalda mag‘lub bo‘lgan. Ikkala jamoa kubok finalida dastlab 1952 yilda to‘qnash kelishgan (“Barselona”ning 4:2 hisobidagi g‘alabasi). Keyin yana 1954 yilda (“Valensiya”ning g‘alabasi — 3:0) va 1971 yilda (“Barselona”ning g‘alabasi — 4:3) to‘qnash kelishgan.

Taxminiy tarkiblar:

“Barselona”: Ter Shtegen, Semedu, Pike, Umtiti, Din, Koutinyo, Rakitich, Paulinyo, Inyesta, Messi, L.Suares.

“Valensiya”: Neto, Montoyya, Garay, Koklen, Toni Lato, Gayya, Parexo, Gonsalu Guyedesh, Kondogbia, Santi Mina, Rodrigo.