Италия футбол федерацияси комиссари ёрдамчиси Алессандро Костакурта мамлакат терма амоасини бошқариши мумкин бўлган номзодлар ҳақида фикр билдирди.
"Тез орада музокараларни бошлаймиз. Ҳеч қаерга шошилганимиз йўқ, бу масала тезроқ ҳал бўлишини истардим.
Номзодлар номини биласиз, уларнинг кўпи билан бирга тўп сурганман.
Манчини – номзодларнинг бири, унинг номи ҳам иштаҳа очади. Конте эса ўтган Еврода футбол мўъжизасини кўрсатди", - дейди Костакурта.
Италия футбол федерацияси комиссионери Роберто Фаббричини бўш турган вазифага номзодларни айтди: Луижи ди Бьяджо, Карло Анчелотти, Антонио Конте, Роберто Манчини, Клаудио Раньери.
