“Манчестер Юнайтед”нинг собиқ юлдузи Раян Гиггз Уэльс терма жамоасига бош мураббий бўлгач, отаси уни кескин танқид қилди.

Гиггзнинг отаси Денни Вилсон ўғлининг бу вазифа учун савияси етарли даражада эмаслиги, ахлоқ жиҳатдан ҳам тўғри келмаслигини таъкидлаган.

“Шундай фарзанд дунёга келтирганимдан уяламан. У ўз укасининг умр йўлдоши билан бутун оиламизга хиёнат қилганини кечириб бўлмайди. Қолаверса, Гиггз терма жамоа бош мураббийи бўлишга лойиқ эмас. Бу биз учун ғурур ҳисобланмайди, — дейди футболчининг отаси. — У ўз укасига хиёнат қилган, оиламиз шаънини асраш ўрнига пароканда қилган. Аслида, бунга фақат у айбдор эмас. Биз иккаласини ҳам кечирмаймиз. Ўғлим мамлакат терма жамоасини бошқаришдек мукофотга лойиқ эмас”.

Маълумот учун, Раян Гиггз укасининг хотини Наташа билан саккиз йил учрашиб юрган. У бу вақт оралиғида рафиқасини ҳам, укасини ҳам алдаган экан. Кейинчалик эса Наташа билан муносабатларини бекор қилиб, укасидан узр сўраган, аммо укаси кечирмаган.