“Manchester Yunayted”ning sobiq yulduzi Rayan Giggz Uels terma jamoasiga bosh murabbiy bo‘lgach, otasi uni keskin tanqid qildi.

Giggzning otasi Denni Vilson o‘g‘lining bu vazifa uchun saviyasi yetarli darajada emasligi, axloq jihatdan ham to‘g‘ri kelmasligini ta’kidlagan.

“Shunday farzand dunyoga keltirganimdan uyalaman. U o‘z ukasining umr yo‘ldoshi bilan butun oilamizga hiyonat qilganini kechirib bo‘lmaydi. Qolaversa, Giggz terma jamoa bosh murabiyyi bo‘lishga loyiq emas. Bu biz uchun g‘urur hisoblanmaydi, — deydi futbolchining otasi. —U o‘z ukasiga xiyonat qilgan, oilamiz sha’nini asrash o‘rniga parokanda qilgan. Aslida, bunga faqat u aybdor emas. Biz ikkalasini ham kechirmaymiz. O‘g‘lim mamlakat terma jamoasini boshqarishdek mukofotga loyiq emas”.

Ma’lumot uchun, Rayan Giggz ukasining xotini Natasha bilan sakkiz yil uchrashib yurgan. U bu vaqt oralig‘ida rafiqasini ham, ukasini ham aldagan ekan. Keyinchalik esa Natasha bilan munosabatlarini bekor qilib, ukasidan uzr so‘ragan, ammo ukasi kechirmagan.