Кеча "Насаф" Ғузорнинг “Шўртан” жамоаси билан назорат учрашуви ўтказди. Назорат учрашувида асосан, ўтган йили ўринбосарларимиз ва қуйи лигада иштирок этган жамоаларимиз футболчилари майдонга тушишди.
Учрашув 1:1 ҳисобидаги дуранг натижа билан якунланди. Учрашувдаги жамоамиз голини 45-дақиқада Бобир Абдухолиқов киритган бўлса, Муҳаммад Абдураҳмонов 81-дақиқада жавоб тўпини киритди.
Футболчиларимиз гол уриш учун кўплаб имкониятлар ярата олишди, аммо бу имкониятлардан улар фойдалана олишмади.
Эртага, “Насаф” Самарқанднинг “Динамо” жамоаси билан назорат учрашуви ўтказади. Назорат учрашуви “Марказий” стадионда бўлиб ўтади ва соат 14:00да бошланади.
Қуйида бугунги учрашув қайдномаси билан танишинг.
Назорат учрашуви
“Насаф” (Қарши) – “Шўртан” (Ғузор) 1:1 (1:0)
06.02.2018. “Геолог” стадиони. 12:00да
Ҳакамлар: Наим Қосимов, Зуфар Элибоев, Артём Калинин (барчаси Қаршидан)
Назоратчи: Шуҳрат Игамбердиев (Қарши)
Голлар: Бобир Абдухолиқов, 45’-1:0 – Муҳаммад Абдураҳмонов, 81’-1:1
“Насаф”: 1.Умид Эргашев (65.Машҳур Муҳаммаджонов 46), 4.Мақсуд Каримов (с), 8.Сирожиддин Қўзиев, 9.Дилшод Хушбаков, 18.Дилшод Саидов, 27.Ислом Рашидхонов, 31.Сайдулло Раҳматов (34.Шерзод Насруллаев 59), 33.Илҳом Алижонов, 38.Акмал Мозговой (2.Сардор Саъдуллаев 46), 42.Нажмиддин Нормуродов, 45.Бобир Абдухолиқов (23.Худоёрхон Сағдуллаев 46).
“Шўртан”: 16.Акмал Раҳимов, 4.Сирожиддин Раҳматуллаев (18.Асил Мирзаёров 51), 6.Акром Баҳромов, 9.Жасур Холтўраев (8.Муҳаммад Абдураҳмонов 77), 11.Шерзод Темиров, 17.Отабек Нарзуллаев (с), 19.Холмурод Холмуродов (5.Шербек Эшмуродов 69), 21.Олим Каримов, 22.Нурали Падаров, 23.Фарҳод Номозов, 25.Шамсиддин Сағдуллаев.
Захира: 70.Сарвар Мирзаев, 29.Нодир Рамозонов, 35.Аббос Амонов, 55.Ислом Бойсариев.
Огоҳлантириш: Акмал Мозговой (37).
