Мадриднинг “Реал” клуби бош мураббийи Зинеддин Зидан клубдаги ишлар ва ЕЧЛ доирасидаги ПСЖга қарши ўйин ҳақида гапириб ўтди.
“Реал”ни бутун умр бошқармаслигимни биламан, аммо ўз вақтида ушбу жамоада иш бошладим. Клуб учун оғир вақт келганида мен албатта футболчиларни айбламайман. Клубдаги вазиятга бутунлай мен жавобгарман.
Танқидчиларнинг жим бўлиши учун биз ғалаба қозонишни бошлашимиз лозим. Катта клубда фақат ғалаба қозонмасанг, сен танқидга учрайверасан.
“ПСЖ”? Улар бир жойда тўхтаб қолишаётгани йўқ, ҳар доим ривожланишда давом этишмоқда. ПСЖ ушбу мавсумни ажойиб ўтказмоқда ва бундан ҳайрон бўлаётганим йўқ. Эмери жуда ҳам яхши ишламоқда ва унинг натижалари эса буни кўрсатиб бермоқда”, - дейди Зидан.
