«Челси» клуби бош мураббийи Антонио Конте жамоа ҳужумчиси Альваро Мората доимий оғриқларидан фориғ бўлгани ҳақида гапириб ўтди.
Бир неча кун аввал «Челси» клуби бош мураббийи Антонио Конте Моратанинг қачон сафга қайтишини билмаслигини айтган эди.
Испаниялик ҳужумчи «Вест Бромич» жамоасига қарш ўйинда заҳирадан майдонга тушди.
«Эндиликда у ҳар куни машғулотларда иштирок этмоқда ва унинг жисмоний ҳолати яхшиланмоқда. Эртага у учрашувда иштирок этади ва «Барселона» жамоасига қарши тайёр бўлади», - дейди Конте.
Англия кубогининг «Челси» «Халл Сити» баҳси 16 февраль куни бўлиши кутилмоқда, «Барселона» жамоасига қарши учрашув эса 20 февраль санасига белгиланган
