“Манчестер Юнайтед” клуби бош мураббийи Жозе Моуриньо мавсум якунида жамоада содир бўлиши кутилаётган ўзгаришлар ҳақида гапириб ўтди.

– Кэррик кетгандан сўнг бизга ярим ҳимоячи керак бўлади. Олдин айтганимдек бизга янги ҳужумчилар керак эмас. Ёки бизга янги вингер керак бўлмайди, яхги ярим ҳимоячи топиш эса асосий муаммо бўлиши мумкин.

– Мактоминайнинг асосий жамоага ўтиш имкониятлари қандай?

– Сизларнинг фикрингизга кўра, унинг асосий таркибга киритилиши аллақачон амалга ошиб бўлган. Агар ишонмасангиз ҳар куни машғулотларга келинг ва унинг қандай ҳаракатланаётганин кўришингиз мумкин. Мактоминай бирданига ойдан тушиб қолгани йўқ, у деярли бир йилдан бери асосий таркиб футболчилари билан шуғулланмоқда. Ёзги йиғинларда ҳам тўлиқ биз билан бирга бўлди. “МЮ”да ўзини ижобий томонлама кўрсатган ёш футболчилар доим асосий таркибга жалб этилади, – деди Моуриньо.