Уэльс терма жамоаси устози Раян Гиггз “Манчестер Юнайтед” мураббийси Жозе Моуриньони Поль Погбани ўз позициясида ўйнатмаётганликда айблаганди. Унинг фикрича, Погба ҳужумкор ярим ҳимоячи ролида ўйнаши лозим. Ўз навбатида Моуриньо бу танқидга жавоб қайтарди.
“Погба ўз позициясида ўйнамаяпти? Погбанинг позицияси борасида кулгили гапларни айтяпсиз. Бу ерда юзлаб футболни тушунадиган экспертлар бор. Қани, менга айтингчи, Погба “Ньюкасл”га қарши ўйинда қайси позицияда ўйнади?
Сизга бўлмағур гапларни гапирганингиз учун эмас, футболни тўғри таҳлил қилиб берганингиз учун пул тўлашади. Бизда Матич марказда ўйнайди, Лингард ўнгда, Погба эса чапда тўп суради.
Сиз Погба қайси тактикани хуш кўришини айта оласизми? 4-3-3? Погба бу тактикада қайси позияда ўйнашни исташини биласизми? Бу чап қанот”, деди Моуриньо.
