Uels terma jamoasi ustozi Rayan Giggz “Manchester Yunayted” murabbiysi Joze Mourinyoni Pol Pogbani o‘z pozisiyasida o‘ynatmayotganlikda ayblagandi. Uning fikricha, Pogba hujumkor yarim himoyachi rolida o‘ynashi lozim. O‘z navbatida Mourinyo bu tanqidga javob qaytardi.
“Pogba o‘z pozisiyasida o‘ynamayapti? Pogbaning pozisiyasi borasida kulgili gaplarni aytyapsiz. Bu yerda yuzlab futbolni tushunadigan ekspertlar bor. Qani, menga aytingchi, Pogba “Nyukasl”ga qarshi o‘yinda qaysi pozisiyada o‘ynadi?
Sizga bo‘lmag‘ur gaplarni gapirganingiz uchun emas, futbolni to‘g‘ri tahlil qilib berganingiz uchun pul to‘lashadi. Bizda Matich markazda o‘ynaydi, Lingard o‘ngda, Pogba esa chapda to‘p suradi.
Siz Pogba qaysi taktikani xush ko‘rishini ayta olasizmi? 4-3-3? Pogba bu taktikada qaysi poziyada o‘ynashni istashini bilasizmi? Bu chap qanot”, dedi Mourinyo.
