Менхенгладбах «Боруссия»нинг матбуот хизмати ўз ишини қойилмақом даражада уддаламоқда. Айниқса, клубнинг «Твиттер»даги саҳифаси алоҳида ажралиб туради.
Bombardir.ru сайти бир қатор мисолларни келтириш асносида «Боруссия» саҳифасини дунёдаги энг яхшиси сифатида таърифлади.
* Ҳаммаси 2016 йилнинг кузида, Менхенгладбах жамоаси ЧЛда ўйнаган вақт бошланди.
Қаҳвахоналардан бирида «Селтик» фанатлари Германия клуби номини талаффуз қилиш қийин эканлигини айтиб, шунчаки, оддий талқин қилишди: «Немис жамоаси». Менхенгладбахда буни ўзига хос тарзда баҳолашди.
* Кейинроқ «Твиттер»да A German Team иборасини ишлата бошлашди. Бунга нафақат «Бавария» ва «Ба-йер» вакиллари, ҳаттоки, ЧЛнинг расмий аккаунти ҳам алоҳида муносабат билдирди.
* Ҳаммаси тарихга муҳрланди. Айтганча, немислар «Селтик»ка алоҳида сурат билан жавоб беришга қарор қилишди. A German Team ёзувли атрибутлар эса дўконда қўлма-қўл бўлди.
* Бундан бир ойча муқаддам «Боруссия»нинг испан аккаунти хабарига Лионель Мессининг ўзи миннатдорчилик билдирганди. «Твит» орқали жароҳатланган аргентиналик футболчига тезроқ сафга қайтишни тилашганди.
* Ўтган йил кузда Менхенгладбах «Боруссия»си Дортмундникига 1:6 ҳисобида ютқазгач, ижтимоий тармоқларда рақиб сафида гол урган барча футболчилар фамилиясини ёзиш ўрнига оддий изоҳ берилди - «Улар жу-да кўп».
* «Реал» ЧЛ ўйини учун Менхенгладбахга келгач, «Боруссия»нинг «Твиттер»даги саҳифаси яна ёрқинлашди - «Агар у ерда ҳимоямизни топсангиз, илтимос, уни ортга қайтариб юборинг».
* «Боруссия» вакиллари «Твиттер»да 280та ҳарф-белги билан хабар ёзиш имконияти туғилганига ҳам дарҳол эътибор қаратишди: «Энди клубимиз номини бус-бутун ҳолда келтиришимиз мумкин!».
* «РБ Лейпциг»га қарши кечган ўйин тугашига 10 дақиқа қолганида, «Боруссия» «твиттер»чилари рақиб вакилларига «хоч ва ноллар» ўйинида баҳслашишни таклиф қилишди.
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
