Каталониянинг «Барселона» клуби ҳимоячиси Жерар Пике ўз жамоадошларини мавсумнинг охирги қисмида диққатни йўқотмасликка чорламоқда.
«Европа чемпионлар лигасидан умидимиз катта. «Барселона» ушбу мусобақада иштирок этар экан, бизни фаворитлар қаторига қўшишади.
Биламанки, жамоамизнинг ички муҳити аъло даражада, энди ҳар доимгидан ҳам диққатни жамлашимиз лозим.
Охирги мавсумларда йўл қўйган хатолардан етарлича дарс олдик. Буёғига чемпионлар лигасидаги биргина ёмон ўйин фантастик мавсумни салбий тарафга ўзгартириб юборади.
Ҳа жамоа олға интилмоқда, аммо эҳтиёткорликни йўқотмаслик лозим», - дейди Пике.
