Kataloniyaning «Barselona» klubi himoyachisi Jerar Pike o‘z jamoadoshlarini mavsumning oxirgi qismida diqqatni yo‘qotmaslikka chorlamoqda.
«Evropa chempionlar ligasidan umidimiz katta. «Barselona» ushbu musobaqada ishtirok etar ekan, bizni favoritlar qatoriga qo‘shishadi.
Bilamanki, jamoamizning ichki muhiti a’lo darajada, endi har doimgidan ham diqqatni jamlashimiz lozim.
Oxirgi mavsumlarda yo‘l qo‘ygan xatolardan yetarlicha dars oldik. Buyog‘iga chempionlar ligasidagi birgina yomon o‘yin fantastik mavsumni salbiy tarafga o‘zgartirib yuboradi.
Ha jamoa olg‘a intilmoqda, ammo ehtiyotkorlikni yo‘qotmaslik lozim», - deydi Pike.
