"Милан" бош мураббийи Женнаро Гаттузо Италия чемспионатида "Сампдория" устидан қозонилган ғалаба (1:0) ҳақида фикр билдирди.
"Йигитларга раҳмат - уларни ёқиш учун биргина учқун кифоя қилди. Мураббий сифатида тўлиқ қониқишни туйяпман ва футболчилар ўзларидан кутилаётган ҳамма ишни бажаришмоқда. Улар асосий роль ўйновчи шахслар мен фақат ғоя беряпман холос.
Футболчилар мухлислар олдига келиб, улар билан саломлашишларини истайман. Улар буни мураббийсиз ҳам бажармоқдалар. Ҳозир жамоа шунчалик яхши ўйнаяптики, унинг мураббийи сифатида енгилликни ҳис қиляпман. Эртага бошқа кун бошланади, ҳаммасини бошидан бошлаймиз. Менинг вазифам - мавсум охиригача футболчиларга бошоғриқ бўлиш.
"Милан"га тайинланганимда, қўлимга худди иссиқ картошка олгандай бўлгандим. Менга қийинчилик ёқади. Енгил вазифаларни ёқтирмайман, шунинг жонажон "Милан"ни танладим. Кўрамиз, охири нима билан тугар экан", - дейди Гаттузо.
