"Уиган" бош мураббийи Пол Кук Англия кубогида "Манчестер Сити" устидан қозонилган ғалабадан сўнг (1:0) фикрлари билан ўртоқлашди.
"Ғалабадан сўнг ажойиб ҳиссиётлар. Бу биз учун жиддий синов бўлди. Биз жуда кучли жамоага қарши ўйнадик, улар тўп билан аъло даражада муомала қилдилар. Баъзи вазиятларда омадимиз келди, четлатиш ўйинга катта таъсир ўтказди.
Йигитларим ҳар қандай мақтовга лойиқ. "Сити"ни ютиш учун ҳар қандай зарбага тайёр бўлиш керак эди.
Гвардиола билан ҳеч қандай жанжал бўлгани йўқ. Биз устунликка га бўлиш учун ҳар имкониятдан фойдаландик холос. У қойилмақом мураббий", - дейди Кук.
