«Бавария» клуби бош мураббийи Юпп Хайнкес ЕЧЛ 1/8 финал «Бешиктош» жамоасига қарши ўйин олдидан ўз фикрлари билан ўртоқлашди.

«Мен «Бешиктош» жамоасининг «Лейпциг» клубига қарши ўйинини қизиқиш билан томоша қилдим. Уларда ажойиб футболчилар мавжуд ва биз жиддий тайёргарлик кўришимиз лозим. Мен «Бешиктош» клубини ўрганиб чиқдим ва уларда тажрибали футболчилар бор десак бўлади.

Ҳайрон қоладиган жойи йўқ, чунки улар барча сафар ўйинларини ғалаба билан якунлашган. Умид қиламанки, биз бугун ўз ўйинимизни намойиш қиламиз. Лекин шуниси аниқ-ки бугун «Бавария»га осон бўлмайди, - дейди Хайнкес.