Кеча “Марказий” стадионимизга ташриф буюрган футбол ишқибозлари “Насаф”нинг ҳақиқий 12-ўйинчиси ролини бажариб беришди.
Қаршида эрталабдан ёмғир ёғди, ҳаво ҳарорати ҳам одатдагидан кўра, анча салқин бўлди. Ўйин бошланишига яқин вақтлар қолганда ҳам ёмғир ёғиши тўхтамади. Аммо севимли жамоасига далда бўлишга бел боғлаган жонкуяр мухлисларни бу об-ҳаво асло иккилантирмади.
Улар гуруҳ-гуруҳ бўлиб стадионга кела бошлашди. Кеча “Марказий”да минг-минглаб ана шундай мухлислар, об-ҳаво ноқулайлигига қарамасдан, бутун ўйин давомида жамоамиз билан елкама-елка туриб, қўллаб-қувватлаб туришди.
Салқин ҳавода илиқ футбол учрашувини томоша қилишди. Футболчиларимиз ҳам бундан куч олишиб, ўзларининг бор маҳоратларини ишга солишди. Гуёки ўйин бир дарвоза томонга бўлди.
Биз мана шундай ишқибозларимиздан миннатдормиз. “Насаф” футболчилари бундай самимий мухлисларни доимо қадрлайди ва улар учун ўйнайди.
Ҳақиқий футбол ишқибозларига қарата қанчалик илиқ гапларни айтмайлик, камлик қилаверади. РАҲМАТ СИЗГА АЗИЗ МУХЛИСЛАР!
Қуйидаги суратлар мухлисларимизга бағишланади.
