Kecha “Markaziy” stadionimizga tashrif buyurgan futbol ishqibozlari “Nasaf”ning haqiqiy 12-o‘yinchisi rolini bajarib berishdi.
Qarshida ertalabdan yomg‘ir yog‘di, havo harorati ham odatdagidan ko‘ra, ancha salqin bo‘ldi. O‘yin boshlanishiga yaqin vaqtlar qolganda ham yomg‘ir yog‘ishi to‘xtamadi. Ammo sevimli jamoasiga dalda bo‘lishga bel bog‘lagan jonkuyar muxlislarni bu ob-havo aslo ikkilantirmadi.
Ular guruh-guruh bo‘lib stadionga kela boshlashdi. Kecha “Markaziy”da ming-minglab ana shunday muxlislar, ob-havo noqulayligiga qaramasdan, butun o‘yin davomida jamoamiz bilan yelkama-elka turib, qo‘llab-quvvatlab turishdi.
Salqin havoda iliq futbol uchrashuvini tomosha qilishdi. Futbolchilarimiz ham bundan kuch olishib, o‘zlarining bor mahoratlarini ishga solishdi. Guyoki o‘yin bir darvoza tomonga bo‘ldi.
Biz mana shunday ishqibozlarimizdan minnatdormiz. “Nasaf” futbolchilari bunday samimiy muxlislarni doimo qadrlaydi va ular uchun o‘ynaydi.
Haqiqiy futbol ishqibozlariga qarata qanchalik iliq gaplarni aytmaylik, kamlik qilaveradi. RAHMAT SIZGA AZIZ MUXLISLAR!
Quyidagi suratlar muxlislarimizga bag‘ishlanadi.
