“Севилья” устози Винченцо Монтелла ЕЧЛ 1/8 финали доирасидаги “Манчестер Юнайтед”га қарши ўйиндан олдин фикр билдирди.
“Мухлисларимиз тарих яратишимизни исташяпти. Биз ҳам бунга ҳаракат қиламиз. Мен “Манчестер Юнайтед” ва Жозе Моуриньога қарши ўйнашимиздан хурсандман, чунки Моуриньо футбол услубиятини яхши ўзлаштирган мутахассислардан бири. Мен унинг китобини ўқиганман ва ўйинларини кузатганман. Мураббийлик фаолиятимни бошлаётганимда ҳам айнан у кумирим бўлган.
Алексис Санчес? Менимча, бизда уни тўхтата оладиган футболчилар бор. Поль Погба? Умид қиламанки, у бизга қарши умуман ўйнамайди”, деди Монтелла.
