“Манчестер Юнайтед” клуби бош мураббийи Жозе Моуриньо ярим ҳимоячи Андер Эрреранинг жароҳати жиддий бўлиб чиқишидан қўрқаётганини тан олди.

Эслатиб ўтамиз, испаниялик футболчи “Севилья”га қарши ўйиннинг 17-дақиқасида жароҳат сабаб ўрнини Погбага бўшатиб берганди.

“Андернинг жароҳати жиддий бўлиб чиқишидан қўрқяпман. Ўзи аввалроқ Эррерада жароҳати бор эди, лекин шифокорлар ҳатто, унинг шанба кундаги ўйинда майдонга тушиши мумкинлигини тасдиқлашганди.

Биз Эррерани майдонга туширмасликимиз ҳам мумкин эди, лекин у сўнгги 4 кун давомида ўзини яхши томонларини кўрсатганди. Аммо Андер бугунги ўйин учун тўлиқ тайёр бўлмаган экан. Нима ҳам қила олардик, тиббий текширув кунини кутамиз”, - дейди Жозе.