Мадриднинг «Реал» клуби бош мураббийи Зинедин Зидан жамоа ярим ҳимоячиси Марко Асенсио ўйини борасида гапириб ўтди.
Зиданнинг фикрича, Асенсио ҳали ҳам бутунлай ўз истеъдодини намойиш қилмаганини ва янада кучаяди.
«Марко – ёш футболчи ва унинг қобилиятлари бизга маълум. У ҳали ўзининг энг юқори чўққисига чиққани йўқ ва келажакда янада ривожланишига ишонаман.
Асенсио майдонда бошқа «Реал» футболчилари каби асосий ролни ўйнайди. Умид қиламанки, у янада ривожланишда давом этади», - дейди Зидан.
22 ёшли испаниялик ярим ҳимоячи ушбу мавсум 35та учрашувда майдонга тушди (17 маротаба заҳирадан ўйинга қўшилган).
