Мадриднинг “Реал” клуби бугун, 27 февраль куни Испания чемпионатининг 26-тур доирасида “Эспаньол” майдонига сафар уюштиради.

“Қироллик клуби” бош мураббийи Зинеддин Зидан мазкур учрашувда майдонга тушиши мумкин бўлган 19 нафар футболчи рўйхатини эълон қилди.

Эътиборлиси, “Реал” жамоасининг етакчи футболчиларидан бири Криштиану Роналду бугунги ўйинни ўтказиб юборади.

Маълум бўлишича, Зидан Роналдуга “ПСЖ”га қарши ўйин олдидан дам беришга қарор қилган.

Шунингдек, Каземиро ошқозонидаги муаммо туфайли Каталония жамоасига қарши ўйинда иштирок эта олмайди.

Қуйида “Реал”нинг “Эспаньол”га қарши кенгайтирилган таркиби билан танишишингиз мумкин:

Дарвозабонлар: Навас, Касилья, Люка Зидан.

Ҳимоячилар: Карвахаль, Варан, Рамос, Начо, Тео Эрнандес, Ашраф Хакими.

Ярим ҳимоячилар: Оскар, Льоренте, Асенсио, Иско, Ковачич, Себальос.

Ҳужумчи: Бензема, Бэйл, Лукас Васкес, Майораль.

Маълумот учун, “Эспаньол” – “Реал” баҳси Тошкент вақти билан бугун, 27 февраль куни тунги соат 00:00 да бошланади.

Эслатиб ўтамиз, Криштиану Роналду “Леванте”га қарши ўйинда ҳам қайдномага киритилмаганди.