Испаниялик журналист Гильем Балаге "ПСЖ" ҳуумчиси Неймарнинг келажаги борасида фикрлари билан ўртоқлашди.
"Яқин ойлар ва ҳатто келгуси мавсумда ҳам Неймарнинг "ПСЖ"дан кетиши ҳақидаги хабарларни ўқийверамиз. Бу миш-мишлар унинг яқинларидан чиқаётганига ишонаман.
Ўйлашимча, Неймар "ПСЖ" унинг учун эмаслигини тушунди ва бошқа рақобатбардош жамоада ўйнашни истамоқда.
As нашри 400 миллион евро ҳақида ёзди. Бу агар "ПСЖ" Неймарни сотишни истаса "Реал" тўлаши мумкин бўлган сумма. Муаммо шундаки, парижликлар уни сотмоқчи эмас.
Шундай сумма тилга олинаётган экан, кимдир қандайдир ҳаракатни амалга ошириши керак. Неймар ўзига мос бўлмаган жамоага ўтганини тушунди.
Неймарнинг яқинлари тарқатган яна бир гап: у "Барселона" ўйинчилари ва раҳбарларига қайтиш ҳақида гапирган эмиш. Бу парижликлар уни сотишлари учун уюштирилаётган босимнинг ўзгинаси. Париликлар бундан кулишмоқда. Бундай гаплар ҳали кўп тарқайди.
"Реал" Неймарнинг вакиллари билан учрашгани рост, аммо "ПСЖ" уни сотмоқчи эмас. У камида бир йил Парижда ўйнайди, кейин ҳаммаси равшан бўлади", - дейди журналист.
