"Локомотив" - "Ал Дуҳаил" баҳсидан сўнг ўтказилган матбуот анжуманида "темирйўлчилар" жамоаси устози Андрей Микляев қуйидагича фикр билдирди:
- Учрашув анча қийин тарзда ўтди. "Ал Дуҳаил" чиндан кучли жамоа эканини исботлай олди. Менимча, ушбу клуб мусобақанинг энг фаворит жамоаларидан бири. Уларнинг таркиби узоқ вақтдан буён биргаликда ўйнаб келмоқда. Шу сабабли футболчилар бир-бирини майдонда яхши тушунишди. Бизга эса бироз ўйин амалиёти етишмаётгани билинди. Бугун омад рақибга кулиб боқди. Ҳимояда йўл қўйилган икки хато якунда бизга қимматга тушди.
Бугунги мағлубиятида кимнидир алоҳида айблаш нотўғри. Бугун бутун жамоа ютқазди. Энди гуруҳдаги иккинчи ўйинга эътибор қаратишга мажбурмиз. Назарий жиҳатдан ҳали имкониятларимиз сақланиб қолмоқда. Ўйлашимча, кейинги 2та ўйинни ғалаба билан якунласак гуруҳдан чиқшимиз мумкин, - деди тажрибали мутахассис.
