"Ливерпуль" бош мураббийи Юрген Клопп АПЛнинг 31-турида "Уотфорд" устидан қозонилган ғалабадан сўнг (5:0) ўйин ҳақида мулоҳазаларини билдирди.
"Бугун муаммоларга дуч келишимиз мумкинлигига қарамай ёқимли тассуротлар ичидамиз. Биз иккита ақлбовар қилмас гол урдик ва тўхтамадик. Футбол дегани шундай бўлиши керак, мен мамнунман.
Салоҳ барча 5 та голда иштирок этди, бу - фантастика, ундан ҳам яхшироғи - тўртта гол урди. Унинг голлари биз учун муҳим.
Умид қиламанки, ҳамма ўйинчиларим терма жамоа йиғинларидан соғ-омон қайтадилар", - дейди Клопп.
