«Лион» клуби ярим ҳимоячиси Набил Фекир ёзги трансфер мавсумида Европа топ клубларидан бирига ўтиши мумкин. Бу ҳақда унинг агенти Жан-Пьер Берне айтиб ўтди.
«Агар мавсум охиригача қарор қабул қилиш керак бўлганида биз ҳозир жамоа президентининг ёнида ўтирган бўлардик. «Лион» клубига юксак ҳурмат билан қараймиз, Набил Франциянинг энг катта клубларидан бирида тўп суради.
Яхши биласиз, маълум бир ҳолатларда биз клубдан музокара ўтказиш учун рухсат сўрашимиз мумкин. Нима бўлган тақдирда ҳам, қарор барча томонни қаноатлантирган тақдирдагина қабул қилинади.
Набилнинг мақсади Европанинг кучли 10 клубидан бирига ўтиш», — дейди Берне.