"Арсенал" бош мураббийи Арсен Венгер охирги вақтларда унинг ёшига кўп эътибор қаратаилаётганидан норози бўлмоқда.
Лондонликлар франциялик 68 ёшли мутахассис қўл остида охирги марта 14 йил аввал Англия чемпиони бўлган эдилар.
"Ёшинг ўтган сари клубга фойданг тегиши ҳақида ўйлайсан ва қолган нарсаларга эътибор бермайсан. Ёшинг ўтган сари қарилик ҳақида гап эшитаверасан.
Натижалар қониқарли эмаслигига қўшиламан, маъсулиятни ҳис қилиш керак. Аммо клубда узоқ йиллар ишлаётганинг ва ёшингни эслатаверишларини қабул қилиш жуда қийин.
Қолган ҳама нарсага кўникишга мажбурман, чунки касбим оммавий, мен натижа кўрсатишим керак. Менга натижалар туфайли баҳо беришади.
Биринчи ўринда клуб учун қилган хизматлар туради, деб ҳисобласам ва фаолиятимни якунлаганимда охирги ўйин учун эмас, хизматларим учун катта олқиш билан кузатадилар деб ўйласам - жуда ишонувчан бўлиб кўринсам керак", - дейди Венгер.
