Мадриднинг «Реал» клуби устози Зинедин Зидан «Ювентус»га қарши ўйин олдидан ўз фикрларини билдириб ўтди.
«Реал» ва «Ювентус» баҳси мен учун ўзига ҳос аҳамият касб этади, чунки ҳар икки клуб мен учун кўп нарса беришган. Шунга қарамай ўйин бошланиши билан буларнинг барчасини унутиб, қилишимиз лозим бўлган ишларни амалга ошираман.
«Ювентус»га қарши ўйин жуда ҳам оғир ва мураккаб бўлишини биламиз, чунки улар ўтган йилга қараганда кучли бўлишган. Одамлар кимни истаса фаворит деб ҳисоблайверишсин, аммо биз учун ижобий натижа кафолатланган эмас. Кейинги босқичга чиқиш учун лойиқ эканлигимизни исботлаш лозим.
Агар биз «Ювентус» жамоасини мағлуб этишни истасак, яхши ўйин намойиш этишимиз керак бўлади. Сўнгги йилларда «Реал» ажойиб натижаларни қайд этмоқда ва биз бу анъанани сақлаб қолмоқчимиз», - дейди Зидан.
«Ювентус» ва «Реал» жамоаларининг илк ўйини бугун 23:45да старт олади.
