"Челси" бош мураббийи Антонио Конте ватандоши Жанлука Виаллининг сўзларига изоҳ берди.
Виалли яқинда Конте "Челси"дан тезроқ кетгиси келяпти, деган маънода интервью берган эди.
"Виаллининг сўзлари? Ёлғон. Жанлука менинг дўстим, аммо у билан бир йилдан буён гаплашганмиз йўқ.
Ҳаммаси ёлғон. Менга оғир, аммо мавсум бошидан буён келажагим ҳақида кўп гап тарқалди. Кўпчилик мени клубдан кетишим ҳақида ёзишди.
Ҳақиқат шундаки, мен "Челси"га содиқман. Менинг шартномам бор. Мен кўп ишлайман, бу ҳам ҳақиқат. Қолган ҳаммаси ёлғон", - дейди Конте.
