ЕЧЛ 1/4 финалида "Рома" - "Барселона" ва "Манчестер Сити" - "Ливерпуль" жамоалари ўртасида жавоб учрашувларини бошқарувчи ҳакамлар аниқ бўлди.
"Рома" - "Барселона" учрашувини Клемен Тюрпен бошлиқ франциялик ҳакамлар бригадаси бошқаради. Унинг ёрдамчилари Николя Дано ва Сириль Грингор. Тўртинчи ҳакам - Хишам Закрани, қўшимча ёрдамчи ҳакамлар - Рюдди Бюке ва Николя Ренвий.
"Манчестер Сити" - "Ливерпуль" учрашувини Антонио Матеу Лопес бошлиқ испаниялик ҳакамлар бошқариб боради. Ёрдамчи ҳакамлар Пау Себриан Девис ва Роберто дель Паломар. Тўртинчи ҳакам – Теодоро Собрино. Қўшимча ёрдамчи ҳакамлар - Карлос дель Серро ва Алехандро Эрнандес.
Ҳар икки учрашув 10 апрель куни бўлиб ўтади.
