"Ливерпуль" бош мураббийи Юрген Клопп ЕЧЛ чорак финалида "Манчестер Сити" билан жавоб учрашуви олдидан рақиб кучига баҳо берди.
"Улар ўйинни худди "МЮ" билан бўлгани каби бошлашлари мумкин, ўшанда улар ярим соат ичида иккита гол урган эдилар. Бу мен кўрган биринчи бўлимларнинг чичида энг зўри эди. Улар ҳақиқий довул уюштирдилар. Аммо иккинчи бўлимда ўйин ўзгарди. Бизнинг ўйинда турли сценарийлар кечиши мумкин. Улар эрта гол уришлари, биз эрта гол уришимиз ва ҳаказо.
Мен шогирдларимга: "Йигитлар! Иложи борича тезроқ гол уринг!" дейишим мумкин. Бунинг ёрдам беришига ишонмайман. Биз кенгроқ мулоҳаза юритишимиз керак - майдонда қаерда ва нима қилиш ҳақида. Биринчи ўйиндан сўнг шогирдларим ўйиннинг фақат ярми ўтганини билишди. Ҳисобда олдинда эканимиз - биз ғалаба қозонамиз дегани эмас. Жавоб учрашувини яхши ўтказишга ҳаракат қиламиз", - дейди Клопп.
