Криштиану Роналду «Манчестер Юнайтед»нинг ёш ҳужумчиси Маркус Рэшфордга ўзига хос совға юборди.
20 ёшли Рэшфорд бу ҳақида ўзининг инстаграм саҳифасида маълум қилиб, Роналдуга миннатдорчилик изҳор қилган.
Маркус Рэшфорд «Манчестер Юнайтед» тарбияланувчиси ҳисобланади, Роналду эса, ўз вақтида ушбу клуб афсонаси ҳисобланган ва жамоа таркибида «Олтин тўп»ни қўлга киритган. Маркус португалиялик футболчига хавас қилишини ва кўп жабҳаларда ундан ўрнак олишга ҳаракат қилишини яширмайди.
Ўз навбатида, Роналду ҳам Рэшфордга бефарқ эмаслигини аввалдан билар эдик. Мисол учун, у «Реал»га айнан Рэшфордни сотиб олишни маслаҳат бергани ҳақида турли хабарлар пайдо бўлганди.
