ФИФАнинг собиқ ҳаками Вадим Жук ЕЧЛ чорак финалида "Реал" - "Ювентус" учрашувида (1:3) белгиланган пенальти ҳақида ўз фикрини айтди.
"Албатта, вазият чигал. Фикрлар тенг иккига бўлинди. Менимча, ҳакам ҳақ эди.
Ҳужумчи ҳимоячидан олдинда эди. Ҳимоячи тўпга ўйнамоқчи бўлди, аммо рақибини туртиб юборди ва унга тўпга эгалик қилиш имкониятини бермади. Бу эса қоида бузилиши. Ҳакам яхши позицияда эди ва нуқтани кўрсатди.
Агар пенальти белгиламаганида "Реал" томонидан эътирозлар бўлар эди. Бу эҳтиётсизлик ортидан келган қоида бузилиши, бунинг учун тартиб-интизом чораси кўрилмай пенальти белгиланади.
Вазият, албатта, қийин. Яна такрорлайман, у кўп баҳсларни келтириб чиқаради. Бунинг устига 93-дақиқа эди. Аммо қоида - бу қоида. Ҳакам қоидага амал қилиши керак", - дейди Жук.
