"Манчестер Юнайтед" юлдузлари дербидаги ғалабадан сўнг (2:3) "Манчестер Сити"нинг чемпионлигини камида бир турга сурдилар ва ғалабани қаттиқ нишонладилар.
The Sun хабарига кўра, ўйиндан сўнг "МЮ" футболчилари кийиниш хонасида мусиқани энг баланд овозга қўйиб эшитдилар. Шу тариқа улар декабрь ойидаги ғалабадан (2:1) сўнг "park the bus" (автобус қўйинг) деб куйлаган "Сити" футболчиларидан ўч олдилар.
Бундан ташқари Моуриньонинг бир нечта шогирди ўйин вақтида "Сити" футболчиларига қаттиқ ташланганлар. Уларга "Сити" футболчиларининг Манчестердаги топ-ресторанлардан бирида зиёфат буюртма бериб қўйганлари маълум эди, шу боис бирнечта асабга тегувчи жумлалар ишлатилган.
"Зиёфат буюртма қилганмидингиз? Биз бу ***** зиёфатингизни олиб қўйдик", - дея "МЮ" футболчиларидан жумла келтиради Sun.
АПЛ жадвалида Гвардиола шогирдлари "МЮ"ни 13 очко ортда қолдирмоқда.
