Аргентина терма жамоасининг собиқ ҳимоячиси Оскар Ружери “Барселона” раҳбариятини Мессига мавсум охиригача дам беришга чақирди.

“Месси бу мавсумда “Барселона”да бошқа ўйнамаслиги керак. Нима, сиз энди Лео майдонга тушмаса, клуб Испания чемпионлигини бой беради, деб ўйлайсизми? Йўқ. Шу боис Месси “Барселона” раҳбариятига мурожаат қилиши ва “Бу менинг жаҳон чемпионатим ва мен терма жамоам билан бирга бўлишни истайман”, дейиши керак.

Эсимда, 1986 йилги Мексикада бўлган мундиалдан 65 кун олдин терма жамоамиз йиғилиб бўлганди. Биз 65 кун бирга тайёрлангандик”, деди Ружери.

Маълумот учун, Аргентина айнан ўша Мексикадаги мундиалда жаҳон чемпионига айланган.