"Милан" бош мураббийи Женнаро Гаттузо клубнинг мавсум оралиғида трансфер режалари ҳақида гапирди.
"Фассоне 3-4 ўйинчи олишимизни айтди, аммо бунинг учун 3-4 футболчи кетиши керак, демади.
УЕФА ҳозирча бизга нисбатан санкция қўллаш ҳақида қарор чиқармади. Мен раҳбариятга "Менга Погба ёқади, менга уни олиб келиб беринг" дейишим мумкин, аммо бунинг иложи йўқ.
Менга Манжукич ёқадими? Менга кучли футболчилар ёқади: Роналду, Месси... Аммо мен алоҳида футболчилар эмас, жамоавий ўйин ҳақида бош қотираман.
Бизда бош менежер ва спорт директори бор. Трансфер бозори билан улар шуғулланадилар. Мухлисларни ишонтириб айтишим мумкинки, бизда ҳеч ким очидан ўлмайди", - дейди Гаттузо.
