Ўз вақтида “Рома”да тўп сурган Карло Анчелотти “Рома” — “Ливерпул” қарама-қаршилиги ҳақида фикр билдирди. Маълумот учун, бу жамоалар ЕЧЛ ярим финалида ўзаро тўқнаш келишади. “Рома” “Ливерпул” билан олдин ҳам, яъни 1983-1984 йиллардаги мавсумда мазкур турнир финалида тўқнаш келган, аммо ютқазган. Анчелотти эса бу пайтда “Рома”да ўйнарди, аммо финални жароҳати туфайли ўтказиб юборган.
“Мен финалда жароҳат туфайли ўйнай олмагандим ва “Рома” шу туфайли мағлуб бўлганди. Бу лаҳзаларни мен унута олмайман. Ҳозир эса “Рома” қасос олиши мумкин. Тўғри, “қизиллар” яхши формада, аммо “Рома” финалга чиқиши мумкин”, деди Анчелотти.
