Жорий мавсум сўнггида "Арсенал"ни тарк этишини маълум қилган Арсен Венгер учун бошқа клублардан кўплаб таклифлар бўлмоқда.
Хитой ҳукумати франциялик мутахассисга мамлакат футболини ривожлантиришни топширмоқчи ва унга барча шароитларни яратиб беришга тайёр. Бундан ташқари, жаҳон чемпионати бошланишига 2 ой қолганида бош мураббий Воҳид Ҳалилхожични истеъфога чиқарган Япония терма жамоаси ҳам Венгерни бош мураббийликка чақирмоқда. Бу ҳақда Telefoot хабар берди.
"Боруссия Дортмунд" ҳам немис тилида эркин гаплаша оладиган Арсен Венгерни бош мураббий сифатида кўрмоқчи. Шунингдек, Венгер "ПСЖ" раҳбариятига кириши ҳам мумкин, бироқ бош мураббий ёки спорт директори сифатида эмас.
Маълумот учун, Венгер "Арсенал"да 1996 йилдан буён – 22 мавсум ишлаб келган.
