"Бавария" дарвозабони Мануэль Нойер, агар унинг жамоаси яримфиналда "Реал" тўсиғидан ўтиб ЕЧЛ финалига йўл олса, финалда жамоасига ёрдам бермоқчилигини айтди.
Эслатиб ўтамиз, немис дарвозабони 2017 йилнинг сентябрида жароҳат олиб, сафдан чиққан эди.
"Бавария"да чемпионлар лигасида ғолиб чиқиш имконияти борлиги менинг тикланиш жараёнимга катта таъсир қилди. Бу менинг ушбу мавсумда яна ўйнашимга умид берди. Барибир, қаердандир пайдо бўлиб: "Мен финалда ўйнайман" дея олмайман. Машғулотлардаги ишларим қарор қабул қилишда муҳим рол ўйнайди", - дейди Нойер.
