Жорий Чемпионлар лигасининг 2-яримфинали 1-учрашувида “Бавария” ўз майдонида Мадриднинг “Реал”ига 1:2 ҳисобида имкониятни бой берди.
Бу ғалаба эвазига “Реал” мусобақа тарихида “Бавария”ни қаторасига 6 та ўйинда мағлуб эта олган илк жамоага айланди.
Охирги 6 ўйинда “Реал” мюнхенликларнинг 5 та голига 15 та гол билан жавоб берган.
“Реал”нинг бу ғалабали серияси 2011/12 йиллардаги Чемпионлар лигаси яримфиналида бошланган. Ўшанда мадридликлар 2:1 ҳисобида зафар қучишган. Шундан кейин “Реал” “Бавария” билан 2011/12 йиллардаги Чемпионлар лигаси яримфиналининг иккала ўйинида ҳам мос равишда 1:0 ва 4:0 ҳисобида ва 2016/17 йиллардаги Чемпионлар лигаси чоракфиналида 2:1 ва 4:2 ҳисобидаги ғалабаларга эришган.
