Испания Ла лигасининг 35-тури доирасида "Реал" ўз майдонида "Леганес"ни қабул қилди ва қийинчилик билан ғалаба қозонди.

Учрашувнинг 9-дақиқасидаёқ Зидан шогирдлари ҳисобни очишга муваффақ бўлишди. Бенземанинг узатмасидан сўнг Гарет Бэйл чалқанча услубда дарвозани ишғол қилди.

Шундан сўнг мезбонлар иккита қулай имкониятдан фойдалана олмаган бўлсалар, бир вазиятда омад айнан "Қироллик клуби" томонида бўлди. Амрабат 16 метрлардан йўллаган зарба натижасида тўп тўсинга тегди. Биринчи бўлимнинг сўнгги дақиқасида эса Майораль ўз имкониятидан фойдаланиб, ҳисобни 2:0га етказди.

Иккинчи бўлим бошида Каземиронинг зарбасини рақиб дарвозабони чизиқ устида бир амаллаб қайтариб қолмаганида ўйин тақдири ҳал бўларди. Бўлим ўрталарида эса Амрабат ўнг қанотдан етказган узатмани Брашанац дарвозага жойлаб қўйди — 2:1.

Шундан кейин "Леганес" кўпроқ ҳужум уюштирди. "Реал" посбони Кико Касилья бир неча марта ўз дарвозасини голдан сақлаб қолди.

Мазкур ғалабадан кейин "Реал" ўз очколарини 71тага етказиб олди ва жамоа "Атлетико"дан 1 очко ортда қолмоқда.

Испания Ла лигаси, 35-тур
"РЕАЛ МАДРИД" - "ЛЕГАНЕС" 2:1 (2:0)
Голлар: 1:0 – 8 Бэйл, 2:0 – 45 Майораль, 2:1 – 66 Брашанац.
Реал Мадрид – Касилья, Вальехо, Тео, Хакими, Себальос, Льоренте, Ковачич (Кроос, 62), Каземиро, Бэйл, Майораль, Бензема (Асенсио, 62).
Леганес – Куэльяр, Бустинса, Рико, Сальдуа, Сиовас, Брашанац (Наранхо, 90), Перес, Пирес, Эль-Жар, Амрабат (Эрасо, 90), Герреро (Бовю, 62).
Огоҳлантириш: Сальдуа (73).
Четлатиш: Пирес (90+3).