“Локомотив” – “Пахтакор” жамоалари ўртасидаги учрашувдан сўнг ўтказилган матбуот анжуманида “шерлар” устози Шота Арвеладзе ҳамда Дилшод Раҳматуллаев иштирок этди.

Арвеладзе: - Бугун тактик ўйинга гувоҳ бўлдик. Ҳаракатлардан кўра тактикага амал қилиш кўпроқ бўлди. Аҳмедов чарчагани сабабли алмаштиришни сўради. Унинг ўрнига ушбу вазифани бажарадиган Гриффитсни туширдим. Чунки марказдаги ўйин характерини ўзгартириш ва стандарт ҳолатлардан фойдаланишни ўйлагандик. Яхшибоев эса жуда яхши ҳаракат қилди.

Прессинг қилишда кучни ҳам ҳисобга олиш зарур. Ҳар икки жамоада тайёрланишга қисқа вақт бўлди. Футболчилар ўйлаган ҳолда ўйнашга уринишди. Айни пайтдаги ҳолатимизни ҳисобга олиб, ҳар бир учрашувда зафар қучишга интиламиз. Навбатдаги рақибни енгишни ўйлаб, беллашувларга тайёргарлик кўрамиз. Кучли олтиликда кимлар бўлишини якунда кўриб оламиз.

Раҳматуллаев: - Бизни қўллаб турган мухлисларимизга катта раҳмат айтаман. Ўйинда кўпроқ вазиятлар яратдик, аммо улардан фойдалана олмадик. Рақиб бугун асосан қарши ҳужумларда ўйнашга интилди. Охирги зарбани бериш устида ишлаяпмиз. Баъзан бу фойда бермаяпти. Машғулотларда бу жиҳат устида тер тўкамиз.