“Манчестер Юнайтед” клуби  бош мураббийи Жозе Моуриньо  “Арсеналга қарши иродали ғалабадан сўнг учрашув ҳақида фикрларини билдириб ўтди.

“Менимча, бу ўйин дуранг билан якунланганида адолатсиз натижа бўларди. “Арсенал” яхши ўйин ўтказди, улар ҳимояда тартибли ҳаракатланишди, лекин биз бир жамоа бўлиб ғалаба қозонишни истадик.

Ҳа, “МЮ”га бироз омад кулиб боқди, лекин сўнгги 20 дақиқа рақибга нисбатан кучлироқ ҳаракатландик.

Биз уч очкони қўлга киритиб, Чемпионлар лигаси рўйхатига илиндик. Лекин иккинчи ўринда қолишмиз учун  яна тўрт очко йиғиш керак бўлади”, - дейди Моуриньо.