Англия чемпионатининг 36-тури доирасида сўнгги баҳс бўлиб ўтди. "Тоттенхэм" ўз майдонида "Уотфорд"ни қабул қилиб, ишончли ғалабани қўлга киритди.

Мезбонлар баҳснинг 16-дақиқасида Деле Аллининг голи эвазига ҳисобни очишган бўлса, иккинчи бўлим бошида Харри Кейн ҳисобни мустаҳкамлади.

Ушбу ғалабадан кейин "Тоттенхэм" ўз очколарини 71тага етказиб, "Ливерпуль"га (72 очко) деярли етиб олди. Лондонликлар ҳисобида битта захира ўйини борлигини инобатга олсак, улар мерсисайдликлардан ўтиб кетиб, 3-ўринга кўтарилиб олишлари мумкин.

АПЛ, 36-тур
Тоттенхэм – Уотфорд 2:0 (1:0, 1:0)
Голлар: 1:0 – 16 Алли, 2:0 – 48 Кейн.
Тоттенхэм – Льорис, Триппьер, Санчес, Вертонген, Дэвис, Дайер, Дембеле (Ваньяма, 63), Эриксен, Алли (Ламела, 82), Сон Хеунг Мин (Сиссоко, 74), Кейн.
Уотфорд – Карнезис, Мариаппа, Кэткарт, Кабаселе, Холебас, Капу, Дукуре, Фемения (Деулофеу, 64), Хьюз (Каррильо, 83), Ришарлисон, Грэй (Дини, 64).
Огоҳлантириш: Ваньяма (64).