"Реал" бош мураббийи Зинедин Зидан ЕЧЛ яримфиналида "Бавария"га қарши жавоб учрашуви олдидан фикрларини билдирди.
"Бавария" ўз ўйинини кўрсатиш учун келди. У топ-клуб ва ажойиб жамоа. Аммо биз ҳам яхши ўйин кўрсатмоқчимиз. Ҳар доимгидай тайёр бўламиз. Агар уддалай олсак, катта мақсадларни кўзлаймиз.
Асосийси - майдонга ғалаба учун тушиш. Тезкор гол уришга ҳаракат қиламиз. Бу бизга керак бўлган нарса.
Марселонинг нималарга қодирлигини ҳамма билади, унинг қандайлигини, жамоага нималар бера олишини ҳам. У ўн йилдан буён "Реал"да, унинг тарихига ўз ҳиссасини қўшмоқда. Марсело жуда қувноқ йигит, доим ҳазиллашади. Сафимизда шундай футболчи ва инсон борлиги зўр.
Бенземада ҳаммаси яхши, у гол уришни севади. У майдонда бор кучини ишга солади ва юракдан шуғулланади. Мен у билан бошқа ўйинчилар каби доим мулоқотда бўламан", - дейди Зидан.
