"Ювентус" ҳимоячиси Штефан Лихтштайнер А сериянинг 36-турида "Болонья" устидан қозонилган ғалабадан сўнг (3:1) мавсум якунида туринликлар сафини тарк этишини айтди.
"Бу менинг "Ювентус"даги охирги 14 куним. Менга янги мотивация ва саргузаштлар керак.
Мен фаолиятимни Италиядан четда давом эттираман. Айнан қаерда эканлигини айта олмайман, ҳозирча шартнома имзолаганим йўқ", - дейди Лихштайнер.
Лихтштайнер "Ювентус"да 203 ўйин ўтказиб, 12 та гол урган. Швейцариялик футболчи уч марта Италия чемпиони бўлди ва 3 мартадан Италия кубоги ва Суперкубогини қўлга киритди.
