"Yuventus" himoyachisi Shtefan Lixtshtayner A seriyaning 36-turida "Bolonya" ustidan qozonilgan g‘alabadan so‘ng (3:1) mavsum yakunida turinliklar safini tark etishini aytdi.
"Bu mening "Yuventus"dagi oxirgi 14 kunim. Menga yangi motivasiya va sarguzashtlar kerak.
Men faoliyatimni Italiyadan chetda davom ettiraman. Aynan qayerda ekanligini ayta olmayman, hozircha shartnoma imzolaganim yo‘q", - deydi Lixshtayner.
Lixtshtayner "Yuventus"da 203 o‘yin o‘tkazib, 12 ta gol urgan. Shveysariyalik futbolchi uch marta Italiya chempioni bo‘ldi va 3 martadan Italiya kubogi va Superkubogini qo‘lga kiritdi.
