"Ювентус" бош мураббийи Массимилиано Аллегри Италия чемпионатида "Болонья" устидан қозонилган ғалабадан сўнг (3:1) жамоасининг чемпионлик учун имконияти ҳақида гапирди.
"Бизни скудеттодан уч очко ажратиб турибди, аммо уни қўлга киритиш керак. Бугун "Болонья" яхши ўйнади ва ҳимояланди. Рақибларга пенальти тортиқ қилиб, ишимизни қийинлаштириб олдик. Бахтимизга, ўйинга қайта олдик.
Ўйинни Дуглас Коста ўзгартирди. У танаффусдан кейин майдонга тушиб, иккита тўп оширди. Дуглас - майдонда ўйинни ўзгартира олишга қодир ўйинчилар сарасига киради. У ўтган тунда ота бўлди, у қизчали бўлди, шунинг учун ўйинни захира ўриндиғидан бошлади", - дейди Аллегри.
