"Рома" клуби "Ливерпуль"нинг қизиқишига қарамай, дарвозабон Алиссонни ўз сафида олиб қолмоқчи.
Римликлар 25 ёшли посбонни фақат 90 милн евро эвазига қўйиб юбориши мумкин, дея хабар беради The Guardian.
"Ливерпуль" ҳозирча "Рома"га расмий таклиф билдиргани йўқ, аммо бразилиялик дарвозабоннинг эҳтимолий трансфер бўйича алоқага чиққан.
Алиссоннинг римликлар билан шартномаси 2021 йилгача амалда бўлади. Клуб унга йилига 1,5 млн евро маош билан янги шартнома таклиф қилишга тайёр.
Аввалроқ, Алиссонга "Реал" клуби ҳам қизиқаётгани хабар қилинган эди.