"Севилья" ҳимоячиси Клеман Лангле матбуотда айтилган "Барселона" билан дастлабки келишувга қарамай, "Манчестер Юнайтед"га ўтиши мумкин.
L’Equipe хабарига кўра, футболчи каталонияликлар сафига ўтиш учун якуний қарорга келмаган. Лангленинг шартномасида товон пули 35 млн евро қилиб белгиланган ва "Барселона" буни тўлашга тайёр.
Аммо сўнгги кунларда футболчига "Манчестер Юнайтед" ҳам қизиқа бошлади. Англияликлар ҳам унинг учун белгиланган товон пулини тўлашга ва уни каталонияликлардан илиб кетишга тайёрлар.
Франциялик 22 ёшли футболчи ўтган мавсумда 35 ўйинда майдонга тушди.
